Adibide gehiago geneuzkan, gerrak nonahi, garbiketa etnikoak eta hilketa arrazistak, sexualak, boterea lortzekoak eta abar.
Memento batean, ekologista sena piztu zitzaidan eta aipatu nion nola izan zitekeen izendatutako lehenengo munduan ehiza kirol eta hobby gisa onartuta egotea, zentzu berean, animalien hilketen defendatzaile sutsuak egotea, gainera, ondo pasatzeko; adibidez, zezenketetan. Eta santamasak hurbil daudenez, nik esan nion kaioletan dauden animalien erakusketa guztiak debekatuko nituzkeela. Jakina, lagunak berehala esan zidan ohitura kulturalak zirela, baina erantzun nion ohitura batzuek beste izenorde bat izatea merezi dutela, eta ez ohitura kulturalak.
Berotu egin nintzen eta dramatikoago jarri nintzen, eta iragarri nion gizakiok planetaren seigarren iraungipena sortuko dugula, interes ekonomikoagatik; hor daukagu klima aldaketa, berotegi-efektuko gasak (BEG), aztarna ekologikoa eta abar. Ondorio horiek oso garbi ikus ditzakegu, eta garbi dago ekologisten txorakeria izateari utzi diola.
Badakit hori antzara-jokoan ibiltzea bezala dela, badakit elkarrizketa horiek bukaezinak direla, baina uste dut horrek guztiak zentzua duela.
----------
Piter Encinas
Arrasate
