Hondakinen bilketa selektiboa egiterakoan %72 jasotzen dugu modu horretan, urtetik urtera beheranzko joerarekin, eta organikoa ez den geroz eta gai gehiago dago nahastuta organikoaren edukiontzian, inpropio maila %6 izatera helduz –gero, inork ez du gura izaten horrekin egindako konposta, eta ez dugu konpost birziklatua izatea lortuko–.
Herritarrarengana zuzentzen gara, arreta galdu gabe jarraitu dezagun etxean hondakinak ez nahasten eta edukiontzi- guneetara behar bezala eramaten; batez ere, organikoaren kasuan, soilik organikoa dena organikoaren edukiontzira eramanez – plastikozko poltsarik gabe–.
Gaiaren garrantzia ikusirik, gure eskaera da Udalak berak edota Mankomunitateak egin beharrekoak gauza ditzala emaitzak hobetzeko.
---------------
Piter Encinas
Hondakinen Mahaiko kide ohien izenean
Arrasate.
