Hilabete osoan Arizmendiko Almen guneko batxilergoko ikasleekin eta Oreka bizikleta-dendarekin batera elkarlanean izan gara, bai Almenen bai Bideanen.
Almenetik ikasleak Bideanera bisitan etorri zaizkigu bi egunetan eta Bideanetik Almenera joan gara beste egun batez.
Bizikleta konpontzeko eta berritzeko proiektuan parte hartu ahal izan dugu eta Bideanen geneuzkan hiru bizikleta berritu eta berrerabiltzeko proiektua egin dugu.
Nola ez, Almeneko ikasleekin hiru egunetan zehar elkarrekin egoteko aukera izan dugu eta momentu oso politak eta dibertigarriak bizi izan ditugu.
Orain, Bideanetik eguna jarri behar dugu Oreka bizikleta-dendara joan eta bisita egiteko. Nola ez, eskerrak emateko beraien eskuzabaltasunagatik, hain beharrezkoak ditugun hiru bizikleta hauek konpontzen laguntzeagatik.
Bidean Heziketa Zentrotik eskerrik asko bai Orekari bai Almeni ere! Lanean jarraituko dugu elkarlanak jarrai dezan!
----------
Agurne Juldain Alcalde
Sarea Fundazioaren izenean
Arrasate
