Lau urte hauetan, Hego Euskal Herriko lau hiriburuetan eta 70 bat herritan elkarretaratze eta manifestazioak egin ditugu. Ekimen asko babestu ditugu eta beste batzuetan parte hartu dugu: egoitzetako erabiltzaileen senideen elkarteekin, Osakidetzarekin, zerbitzu sozialekin elkarlana eta abar.
Egindakoaz harro gaudelako ospatuko dugu, baina gure eskariekin jarraituko dugu: KPI errealaren igoera berehala aplikatzea 2021eko atzerapenean eta pentsioen errebalorizazioan; 1.080 euroko gutxieneko pentsioa eta 1.200 euroko lanbide arteko gutxieneko soldata eskatzea; genero arrakala bukatzea; alarguntza pentsioa %100 izatea; pentsio publiko duin eta nahikoak edukitzea; eta pentsio sistema propioa izatea.
Dei berezia egiten diegu pentsiodunei, langileei eta, oro har, gizarte osoari urtarrilaren 15ean hiriburuetan egingo diren manifestazioetan parte hartzeko eta Euskal Herriko kaleak betetzeko.
----------
Itziar Usandizaga
Debagoieneko Pentsiodunen Mugimenduaren izenean
Debagoiena