Sen onak dio Udaltzaingoaren egiteko orokor nagusiak arazoak eragotzi eta arazorik bada horiek zuzen konpontzen ahalegintzea dela. Inolaz ere ez arazoak sortzea. Inolaz ere ez margolari bat arriskuan jartzea. Inolaz ere ez margolari bat kotxearekin zapaltzea. Udaltzainek udal zaintzaileak behar lukete, ez ehiztariak. Eskerrak ez den ezer larririk gertatu.
Urtez urte hainbat udaltzain ezagutu ditut, herrian arazoak eragotzi eta herriko arazoak konpontzeko ahalegin zuzen eta duina egi(te)n dutenak. Horretan jarraitu, sen onez beti. Azkenik, eta bide batez, besarkada estu bat bidali nahi diot ehiztarien aurrean hegan egin behar izan duen margolariarentzako; guk txori intsumituak ditugu maite.
----------
Julen Mendizabal Elezkano
Arrasate