Bi alderdirekin ez beste guztiekin egoteko aukera izan dugu. PPrekin ez, haren hautagaitzaren berri berandu izan genuelako, eta PSErekin ere ez, bilera egiteko bidali genizkion mezuei erantzun ez dielako.
Bi gairekin joan gara bilera horietara. Batetik, hautagai euskaldunak aurkezteko eskatu diegu, gutxienez lortzea espero duten zinegotzi kopururaino, udalbatzak euskaraz funtzionatuko duela bermatu dezaten, horixe baita Udal euskalduna izateko baldintza nagusietako bat. Bestetik, hurrengo legealdiari begira, euskararen arloan dituzten helburuez galdetu diegu. Harrera ona izan dugu, oro har. Urratsak egiteko prestutasuna. Igandeko emaitzek eta hurrengo urteetako ekintzek erakutsiko digute hala den.
----------
Eñaut Muxika Olasagasti
AEDko lehendakaria
Arrasate
