Goieskola osatzen dugun bailarako eskola publiko guztietan, hezkuntza komunitateetan egin diren kontzentrazio ezberdinen bitartez, zapatu honetan –azaroaren 6an– Bilbon egingo den Eskola publikoaren aldeko eta pribatizazioaren aurkako manifestaldiarekin bat egiten dugula adierazi nahi izan dugu.
Euskal Eskola publikoaz harro! topagunea osatzen dugunok antolatu, eta herritar guztiak gonbidatu nahi ditugu Bilbora. Bailarako guraso elkarteek autobusak ere antolatu dituzte bertaratzeko Oñatitik, Arrasatetik, Bergaratik, Aretxabaletatik eta Eskoriatzatik.
