Elgeta Herri Eskolan eskolako argazkia atera zuten eta tratu onen aldeko bertso bat kantatu zuten. Tratu onen aldeko murala ere egin zuten baita ere.
Kurtzebarri Eskolan gelako lanketa egin dute bideo batzuen bitartez, gai honen inguruan hausnarketa bultzatuz.
Urgain Errekalde Eskolan, Tratu onen aldeko apustua eginez lelopean landu dute gaia. Horretarako, ikasle guztiek gaiarekin lotutako ipuin, abesti, olerki eta bideoak ikusi eta aztertu dituzte. Haize berriak datozela irudikatzeko, haize errotak egin dituzte gelaka eta taldeka. Ondoren, eskolako sarreran horma-irudi batean itsatsi dituzte. Egunerokotasunean tratu onen aldeko apustua egiten jarraituko dutela adierazi dute.
Zuazola BHIn pankarta bat egin dute eta ikasle guztiek globotan idatzi dute euren hausnarketa.
Aramaio Herri Eskolako HH-n eta LH-n generoa lantzeko hainbat dinamika landuko dira astean zehar.