Lehenik Pozalaguako kobazuloa bisitatu zuten. Bertan gidak emandako esplikazioak entzunaz, kobazuloa nola aurkitu zuten, eta bere estalaktita eszentrikoak zer diren eta nola sortzen diren ikasi zuten. Eta munduko estalaktita eszentrikoen pilaketarik handiena dela ere bai.
Ondoren, Karrantza bailarako kultura ezagutu zuten. Alde batetik, Indianoak nortzuk ziren eta zer nolako ondarea utzi zuten bailaran. Eta bestetik, ondare industriala ezagutu zuten, bertako dolomita lantegia ikusiz, zer motatako kare harria erabiltzen zen, eta nola sortu, eta zertarako erabiltzen zen dolomita.
Azkenik, denok batera, bazkari eder bat izan zuten Paloti bainuetxean.
Hurrengo irteerak
Hurrengo jarduerak, GUREAK enpresara bisita gidatua izango dute, azaroaren 16an; eta 23an, mendi irteera Aramaioko inguruetan.
