Errigora saskiak eskatzeko aukera dago Elgetan ere

Nafarroa hegoaldeko euskalgintzari laguntzeko kanpaina heldu da Elgetara ere. Horrenbestez, euskara ofiziala ez den zonan ekoiztutako produktuekin osatutako saskiak eskatu daitezke liburutegian, Haizea tabernan eta Lola jatetxean. Eskaerak online egin daitezke; herrian ipinitako hiru puntuetan jasotako eskaerak Goibeko Euskaltzaleen Topaguneak bideratuko ditu.

Azaroaren 11ra arte dago horretarako. Produktu kopuruaren arabera, hiru saski mota daude: beltza –55 euro–, berdea –65 euro– eta zu- ria –75 euro–. "Gure txikitasunetik herrilan handi bat gauzatu nahi dugu, Nafarroak Euskal Herria behar duelako eta Euskal Herriak Nafarroa behar duelako", azaldu dute Errigora kanpainako ordezkariek.

Eskaerak online egin daitezke, errigora.eus atari digitalaren bitartez. Herrian ipinitako hiru puntuetako batean eskuz jasotako eskaerak, berriz, Goibeko Euskaltzaleen Topaguneak bideratuko ditu.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.