Jon Basaguren eta Izaki Gardenak taldea bor-bor daude azken denboraldian. Izaki Gardenak taldeak jo du Euskal Herriko hainbat gune erreferentzialetan eta lekua egin du euskal musikaren panoraman. Hori horrela, talde egokia da Ozkarbi moduko gune batean jotzeko. Hala ere, eta Ozkarbin formatu txikien aldeko apustua egin denez bakarlari etorriko da Jon Basaguren. Berarekin izandako harremanetan egokia ikusi dugu Elgetarako, eta espero dugu ezagutzen dutenendako gustukoa izatea eta ezagutzen ez dutenendako sorpresa atsegina.
Lehen aldiz izango da Jon Basaguren Elgetan, eta Izaki Gardenak taldeak atera dituen disko guztietako kantuak joko ditu; disko bakoitzetik bat gutxienez, eta azkenekotik nahikotxo.
Ozkarbi elkartearekin elkarlanean formatu txikian antolatzen dugun hirugarren emanaldia da. Ekainean Andoni Ollokiegi izan genuen gurean, irailean Tonky Blues Band eta orain Jon Basaguren. Aurreratu dezakegu, gainera, abenduaren 13an Mikel Urdangarin izango dela gurekin.
Basagurenek 19:30ean hasiko du emanaldia, barikuan. Sarrera da 4 euro. Ozkarbi elkarteko barra zabalik izango da.
Euskararen Egunaren bueltan Jon Basaguren gonbidatu dugu Elgetara Goibeko Euskaltzaleen Topaguneak eta Ozkarbi elkarteak. Modu akustikoan eta gitarrarekin eta ahotsarekin egingo du emanaldia.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
