Gipuzkoako Euskaraldia batzordeen batzarrean izan ginen, martitzenean

35 batzordekide elkartu ginen Zumaiako Alondegiko Oxford aretoan. Irailaren 20an hastekoa den izen-emate kanpaina izan genuen bereziki aztergai.
Izena emateko bi modu egongo dira; online bidez eta herrietan ipiniko diren mahaietan izen-emate fitxak beteaz. Kontu handiz zaindu behar dugu Datuen Babeserako Legea betetze maila eta argibide ugari jaso genituen zentzu horretan Topaguneko koordinatzaileen eskutik.

Komunikaziorako infografiak, bideoak eta hilaren 20an Iruñean egingo den izen-emate kanpainaren aurkezpen ekitaldia ere mintzagai izan genituen.

30 herritik gorako ordezkariak elkartu ginen eta herriz herri zertan eta nola ari diren ezagutzeko aukera ere eman zuen batzarrak.

Zumaian jasotakoak astelehenerako, hilak 17, Elgetan deituta daukagun batzarrean azalduko ditugu.

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.