2022 MGEP goi mailako heziketa zikloko III. Ekintzailetza azoka online

Goi Eskola Politeknikoa 2022ko api. 8a, 14:31

2022 MGEP goi mailako heziketa zikloko III. Ekintzailetza azoka online

Covid-19ari aurre eginez, ekintzailetzak aurrera darrai Lanbide Heziketako ikasleen artean. Horrela, otsailaren 23an egin zen Goi Eskola Politeknikoan Ikasenpresa azokaren III. edizioa eta bertan parte hartu zuten Goi Eskolako 5 zikloetako ikasleek, 20 taldeetan banaturik. Azokaren funtsa da bertan ikasleek Enpresa eta Ekimen Sortzailea moduluan landutako negozio ideia bat proposatzea.

Ikasleek aukera izan zuten era berean Tknikak Ikasenpresa proiektuaren baitan antolatu zuen azoka birtualean parte hartzeko, non Euskadiko Lanbide Heziketako 100 eskoletako ikasleek euren proiektuak streaming bidez aurkeztu zituzten. Guztia, Tknikaren YouTube kanalean ikusgai egon zen zuzenean.

Ekintza hau jarduera dinamiko bat da, non ikasleek zeharkako konpetentziak lantzen dituzten, eta irakaslegoak stand-arekin, egindako lanarekin eta komunikazio-gaitasunekin zerikusia duten aspektuak baloratu dituzten.

Proiektu aniztasun handia

Ikasenpresa azokak proiektu ekimen interesgarriak aurkeztu ditu; hala nola, kafetera-iratzargailua, esnatzeko txirrina jotzearekin batera kafea egiten hasten dena; lantokietako lanpostuak seguruago egiten dituen sentsoreez beteriko buzoa, zeinek langileek mugimenduak egin aurretik inguruko arriskuen berri ematen duen; edota, mahastiek izotzari aurre egiteko beroa banatzen duen sistema automatizatua.

Euren artean, azoka bisitatutako pertsonek proiektu interesgarriena zela iritzi zuten, Fabrikazio Mekanikoko Diseinuko Aitor Pereda eta Asier Garay ikasleek sortutako birziklatutako materialarekin egindako adreilu pertsonalizatuak diseinatzen eta eraikitzen dituen, PETrick S.Coop. izeneko enpresa proiektua.

Mondragon Goi Eskola Politeknikoan eskainitako goi mailako heziketa zikloak hauek dira:

Informazio gehiago hemen

Arrasate