Familiak animatu harren, Mikel ez zegoen prest gradu bat egiteko, horregatik Sareko Informatika Sistemen Administrazioko heziketa zikloan hasi zen. Arrazoiak, MGEPeko instalazioak eta baliabideak. Ate irekietara etorri eta argi ikusi zuen bertan ikasi nahi zuela. Erronkak eta taldeka egindako proiektuetan oinarritutako irakaskuntzak atentzioa deitu zion.
Gainera, Mikelek, DUAL programan parte hartu zuen, bere enpresa ULMA Handling System izan zelarik. Bertan biltegi automatikoak neurrira egiten dituzte, hainbat software eta hardwarea kudeatuz.
Mikelek esan digunez, DUALa egitea esfortzua da, baina asko ikasteaz gain, lan mundurako prestatzen zaitu.
Bi urte hauetan klaseko giroa oso ona izan dela dio, talde lan ona eduki du eta lagun-talde berezia osatu du.
Momentu honetan Mikel Ingeniaritza Informatikako gradua ikasten ari da Mondragon Goi Eskola Politeknikoan (MGEP).
Informazio gehiago hemen