Zubi-garabi ikastaro profesionala MGEPeko Goi mailako Heziketa zikloko Mekatronikako ikasleentzat

Erabiltzailearen aurpegia
Abenduaren 4ean 5 orduko ikastaro bat izan dute Mondragon Goi Eskola Politeknikoko (MGEP)  Goi mailako Heziketa zikloko (GMHZ)  Mekatronikako ikasleek, Zubi- garabi ikastaro profesionala.
Urtero egiten den formakuntza bat dugu  MGEPeko goi mailako heziketa zikloko Mekatronikako 2.mailako ikasleentzako eta IFPRL (Instituto Formación Práctica Riesgos Laborales) enpresatik etorri zaigu Eloy Fernandez formakuntza ematera. Mekatronikako ikasleak langile direnean eta batez ere muntaia lanetan edo eta mantenu lanetan ari direnean zama handiak mugitu beharko dituzte zubi garabiaren bitartez eta MGEPek ezagutza hau bereganatzeko asmoz eta eginez ikasi eredua jarraituz, aukera ederra eskaintzen die urtero.

Formakuntzak bi atal izan ditu: teorikoa eta praktikoa. Lehenik segurtasun aldetik behar dien ezagutzak jasotzen dituzte, garabi mota desberdinak, zein arrisku dauden hauen erabilpenean, eslingen (soken), kolore eta marren ezaugarriak  eta ondoren muntaia tailerrean ibiltzen dira kulunka efektua kentzeko ariketak egiten.

Informazio gehiago hemen.
 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.