2017ko abenduaren 5ean Mondragon Goi Eskola Politekniko Lan poltsa eta Mondragon Unibertsitateko Enplegurako Orientazio Zerbitzuak GMHZ eta LAN MUNDURA SARRERA izenburuarekin Ziklotako ikasleei jardunaldi interesgarri bat eskaini zien, ezin aproposagoa 117 ikasle hauek lan munduaren atarian egonik.
Jardunaldiaren helburu nagusia honako hau izan zen: Langileek izan behar dituzten gaitasun eta konpetentzien inguruan ikasleek hausnartzea. Laneratze prozesuak inplikazio altuagoa eskatzen du gaur egun. Lana bilatzeko aukerak areagotzeko zeharkako konpetentziak garatzea beharrezkoa da, informazio ona lortzea ere ezinbestekoa da. Bi alde daude: alde batetik kanpoan zer dagoen, lan merkatua eta horren egungo egoera eta norabidea, zein profil eskatzen diren. Beste aldetik norberaren barnean zer dagoen, zeintzuk diren gure benetako interesak, gure indarguneak lana bilatzerakoan edo hobetzeko alderdiak.
