Baina berriz ere iritsi da lanean hasteko ordua. Talde eraberritu batekin. Ilusioz beteta eta lanerako gogoz gaude berriz. Urteroko legez, badakigu otsailaren 18an herria %100ean egongo dela gurekin, eta horrek lasaitasuna ematen digu.
Antzuolako Udala eta Arrola MT izango ditugu, beste behin, bidelagun, eta eskerrak eman nahi dizkiegu aldez aurretik.
Beraz, 2018ko otsailaren 18an Antzuolara etortzeko gonbita luzatzen dizuegu. Beste behin, mendiaz, herriaz eta herritarrez gozatzeko eguna izango baita. Mendi lasterketaz gain, umeen motortxo lasterketa eta ezinbesteko bihurtu den hamarretakoa izango dira lasterketa bukaerara inguratzen diren guztientzat.
Bestalde, gogoratu, herritarrok, hamar dortsal zozketatuko ditugula aurtengoan ere. Zozketan parte hartzeko, antzuolako8m@gmail.com-era zuen izen-abizenak eta telefono bat bidali beharko dituzue abenduaren 30a baino lehen. Besteok, berriz, urtarrilaren 7an, goizeko bederatzietatik aurrera eman ahalko duzue izena www. kirolprobak.com webgunean.
Bertan elkar ikusiko dugulakoan.
----------
Gurutz Larrea
A8M-ko antolakuntza
Antzuola
