Ez da lehen aldia entzuten diodana; nire ikasleei, mutilei, ere ez. Oraingoan, elkarrizketetan hain otso plantatzen den Ana, zer eta, otzan antzean…
Galdera litzateke ea zure profesioko tenislari emakumeak baino meritu gehiago egin duzun ala ez. Ze ekoizten duzu zuk eta ez haiek? Telebistari begira dagoen jende gehiago, ezta? Zergatik zuk gehiago eurek baino? Indar, potentzia eta abiadura handiagoa duzulako? Hori ez da diskriminatzailea?
Soldata berdintasunaz ari zarela, kontuan eduki beharko zenuke bidean izandako aukera berdintasunik eza. Zurearekin alderatuz nolakoa izan ote da Serena Williamsen bidea? Ze input jaso duzu zuk bidean? Ze erraztasun zuk? Serenak, zure borrokaz gain, zerekin borrokan egin behar izan ote du? Enpatia apur bat…
Larritasuna areagotzen da zu tenislari erreferente izateagatik jende askok diozuna ere sinisten duelako. Segi gogor entrenatzen, zaleei disfrutarazten, horregatik miresten zaitugu; eta, ahal dela, elkarrizketa askorik ez eskaini, larriena jende gaztearengan sortzen duzun nahastea baita. Eman, Rafa, baina kantxan!
