Bizikleta, gizartean ditugun hainbat erronkari aurre egiteko oso presente dugun elementua da. Hiri jasangarrien inguruan, energia sortzaile gisara, naturari lotutako bizi ereduaren baitan, kontutan hartu beharreko elementua dela iruditzen zaigu. Txirrindularitza berak ere, XXI. mendeko gazteek beharko dituzten konpetentziak lantzeko ere kirol apropos bezala irudikatzen dugu: bakarkako zein talde lana, esfortzua, komunikazioa, estrategiak pentsatzea,…eta noski ondo pasatzea ere bai!
Horretarako, hurrengo programa aurkezten diegu Euskadiko DBH eta Batxilergoko ikasleei, interesgarriena iruditzen zaien horretan parte hartzeko:
- Ekainaren 3a, 10:00tatik 10:45era – Zuzeneko konexioa (streaming), txirrindulari profesional izan diren eta gaur egun ere txirrindularitzan dabiltzan 4 kirolariri elkarrizketa. Elkarrizketan edo mahai inguruan parte hartuko duten txirrindulariak Enrique Alonso, Markel Irizar, Xubane Garai eta Patxi Juaristi izango dira. Elkarrizketa amaitu ondoren, galderak egin ditzakezue zuzenean.
- Ekainaren 3a, 10:45etatik 11:00tara – “Bizikleta Jasangarria” helburu bezala hartuta, proposamen berritzaileen Lehiaketa. Jasotako proposamenak, bi sari izango dituzte: publikoarena eta epaile profesionalarena
Gaineratu, ekintza hau Euskaltel eta Blokal-en babesarekin ere antolatu direla eta lehiaketako sariak, babesle hauek eskainiko dituztela.
Ikastetxeek maiatzaren 15a baino lehen, hurrengo formularioan ekitaldian parte hartzeko asmoa helarazi beharko dute, modalitateetako zeinetan edo bietan den adieraziz: https://forms.gle/iZBmBqMj4v2FB6XT7
