Lan publikoari lotutako konpromisoa. Horregatik arduratzen nau talde politiko batzuek legealdi hasieratik hartu duten jarrera.
Prentsan eta osoko bilkuran: EAJ eta PSOE alderdien gezurrak, aipamen pertsonalak eta itxurakeria.
Azkena, alkate eta Udaleko langile bati eraso pertsonala iritzi artikulu baten bitartez, EAJk berea duen eredua besteongan proiektatuz: argazkiak, itxurakeria eta prentsan titularra ateratzea.
Baina, zorionez, badugu hemeroteka kolektiboa. Klik batekin ikusi daiteke nor aritu den itxurakerian azken urteetan: ehunka argazki, inaugurazio eta proiektu fantasma gehiegi. Adibidez, Iturripeko kiroldegia, Musakolako kiroldegiaren aurreproiektua, eta, besterik gabe, iragarri baina inoiz gauzatu ez diren proiektu asko.
Baina guk argi daukagu zein den gure norabidea: errespetua, egia eta lan publikoa. Gezur eta irainaren dinamikan ez gaituzte topatuko.
Gobernu taldeak lanean jarraituko du, herri eta herritarrei zor diegulako benetako konpromisoa.