Dagoeneko urte asko dira Arrasateko Udalak egun horretan adierazpen instituzionalak egiten dituela. Edozelan ere, aurten, historian lehengo aldiz, Udal Gobernuaren erabaki politiko baten bitartez, Arrasateko Udalak instituzio bezala LGTBI+ kolektiboarekiko daukan zor historikoa kitatzeko lehengo pausoak eman ditugu.
Hau da, Arrasateko LGTBI+ pertsonen errealitateen erradiografia lortzeko eta bizi-baldintza duinak bermatzeko talka plan baten diseinua garatuko dugu hurrengo hilabeteetan.
Arrasateko Udal Gobernuko ordezkariok LGTBI+ pertsonen eskubideekin urteko egun guztietan daukagun konpromiso politikoa, hitzetatik haratago, baliabide tekniko eta ekonomikoekin islatzea erabaki dugu, helburu batekin: mugimendu feministako eta LGTBI+ mugimenduko ordezkari eta adituekin ildo politiko berri hau adostu eta garatzeko lehengo pausoak emanez, Arrasate berdinzaleagoa eta anitzagoa eraikitzea.
