Neguko goxotasuna, freskura, hotzak sortzen duen elkarrenganako berotasuna. Ondoan ditugunak, hainbat kilometrotara aurkitzen direnak zein gure ondotik ihes egin dutenak gogoratu, goxatu, maitatzeko tarteak.
Urtaro berezi gogorra. Senide zein lagun arteko ospakizunak, urte amaierako desirak datorrenerako helburuekin batera, gaizki egindakoak hobetzeko eta hobeak bizitzeko, bidegurutzean aukera berri bat izateko eta erratu arren altxatu eta aurrera jarraitzeko aukera jasotzeko.
Batzuk gehiago, beste batzuk gutxiago, baina bai, neguak badu zerbait berezia. Batzuetan elkartu eta beste batzuetan banantzen gaituena, bizirik sentiaraziz egun goibeletan argi izpi bat marrazteko aukera ematen diguna, hori da negua.
