Barrutik bizi dugunok badakigu zer den hori, zer den egunerokotasunean kalera entrenatzera irten eta autoak, kamioiak, furgonetak eta abar presarekin edozein modutan gure ondotik pasatzea.
Pandemia dela eta ez dela, egia da jende asko hasi dela txirrindularitza munduan murgiltzen eta lehen baino askoz txirrindulari gehiago aurkitzen direla errepideetan zehar. Erlojuari begira bizi garela esan beharrik ez dago, baina garrantzitsua da balantzan jartzea minutu batzuen gorabehera eta pertsona baten osasun zein bizia.
Honen helburua ez da inor epaitzea, baizik eta norbera kontziente izatea, errepidean goazenean ez gaudela bakarrik eta gure bidean denbora baino askoz gehiago dugula.
