Zutaz ari naiz bai, euskara! Irakurri berri dudan artikulu batek aipatzen duen bezala, euskararen egun bat ospatzen da, gure egutegiak dioenez, eta zer gertatzen da beste 364 egunekin? Aurreko astean gertatu zitzaidan, Nafarroako herri baten geldituta nengoen nire taldekideekin eta kafetegi batera sartu nintzen zerbait hartzeko asmoz. Sorpresa jaso nuen, arrotz sentiarazi ninduten, telefonoz hizketan jarri eta jaso nituen begiradek zauritu ninduten.
Guk euskaldun sentitu eta euskararekin bizi garenok mingainak dantzan ditugu eta berarekin solasean egin, borrokatu, maitatu, eztabaidatu, sentitu... egiten dugu, gure eguneroko bitamina da. Baina honekin ez da nahikoa. Erabaki eta lege aldaketak dira zauriak sendatzen dituen benetako sendagaiak.
