Bakoitza bere etxean dago, eta egin beharreko etxeko lanez gain, norberak mota askotako denbora-pasak ditu, eta horietan gaude murgilduta; beti dago zer egin. Jendeak etxetik kanpoko zein barruko betebeharrak ditu, eta konfinamenduko lehen egunetan bezain ongi ari dira betetzen arauak; hau txalotzekoa da.
Udaletik hainbat neurri ere hartu ditugu gure herritarron beharrak asetzeko. Gatzagako Udalaren eskumenean dauden negozioei alokairu errenta kendu diegu alarma egoera honek iraun bitartean. Zenbaitek diru iturriak moztuak dituzte, eta egokiena iruditu zaigu, egoera zein den ikusita. Herrian erroldatutako pertsona orori ere, zergak atzeratu dizkiegu, eta hauek uztailean ordaindu beharko ditugu.
Herrian dugun kutsatu maila, bestalde, 0 izanik, horrela jarraitu nahi genuke, eta horretarako, zenbait neurri hartu ditugu; azpimarratzekoena, herriko gune erabilienak fumigatu ditugula: Labidea ingurua, Eliza ingurua… Esan beharrekoa da ere, azken eguraldi aurreikuspenak zeintzuk diren ikusita, gure auzo eta baserri inguruetan elur eta izotz denboraldiari aurre egiteko gatza botatzen ere aritu garela. Hala, inguru hauetako bizilagunek ere inolako arazorik izan ez dezaten.
Martxan dagoen herria ez da inoiz hilko.
