Industrializazioak baserri eta landa eremuak husten joatea ekarri zuen eta horrekin batera gure bazterrak pinuz bete ziren. Pinuek gure ez hain aspaldiko arbasoen bizimodua, kultura, hizkuntza ezkutatu digute.
Orain, gaitzak jotako pinu horiek botatzen ari direnean, basoetan sortu diren soilgune horietan begi-bistan geratu dira garai bateko zoroak eta zelaiak, gaztainadien aztarnak eta abereak zaintzeko erabilitako txabolak. Eta orain, ikusi ditzakek gure aurrekoak naturarekin bat eginda, gure bazterrak zaintzen.
Horixe du poema batek, kanta batek: ezkutuko gauzak ikusi ahal izatea.
