goiena.eus

Amorrua, itxaropena eta esker ona

Erabiltzailearen aurpegia   Iritzia

Aitortu behar dut zutabe honen aurrean jarri izan naizen askotan zer gairi heldu asmatu ezinda ibili naizela. Gaurkoan ez, gaurkoan guztiz kontrakoa gertatu zait, idatzi nahi ditudan guztiak idazteko tarte laburregia dut. Gaurkoan, nire sentimenduen ganbara bete-bete eginda dago, era askotako sentimenduak. Ea labur-labur horietako batzuk azaltzeko gai naizen!

Haserre nago, minduta, amorratuta. Altsasuko gazteekin egiten ari direnak ez du izenik. Gehiegikeria, astakeria… Non dago justizia? Non demokrazia?

Itxaropentsu ere banago. Nekatuta, baina ilusionatuta. Domekan, Gure Esku Dagok antolatuta Donostia, Bilbo eta Gasteiz lotuko dituen giza katea. Elkartu eta zer garen aldarrikatuta, zer izan nahi dugun eskatzeko aukera paregabea.

Azkenik, pozik ere banago, eskertuta. Ez dut tarte hau amaitu nahi Jerardo Elortzari eskerrak eman gabe. Sekulakoa da Jerardok Oñatiko eta Euskal Herriko kulturari, historiari, euskarari… egin dion ekarpena. Egin diona, egiten diona eta egingo diona. Aupa zu, Jerardo! Bejondeizula!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa