Azken urteetan, HHn hasi eta Batxilergora bitartean aplikatzen ari garen dinamika hau IKAS KOMUNITATE proiektuaren baitan txertatzen den Jarduera Arrakastatsuetako bat da.
Era honetako lan saioetan, burutu beharreko 3 erronka edo ataza planteatzen zaizkie ikasleei. Taldean elkar-eraginez ebatzi behar dituzte jarduerak eta eragin hauek positiboak eta EREDU DIALOGIKOAREN printzipioak jarraituta burutzen direla bermatzeko, dinamizatzaile bat izaten du talde bakoitzak. Honen zeregina, jarrera konkretuak sustatzea eta lana dinamizatzea da.
Edozein heldu boluntario izan daiteke dinamizatzaile: guraso, aitona amona, izeba osaba, ikasle ohi, irakasle, lagun...
JARDUERA ARRAKASTATSUAK, aurrera eramandako ikerketen arabera, Nazioarteko Hezkuntza Komunitate Zientifikoak arrakastatsutzat jotzen dituenak dira, hau da, edozein testuingurutan beste edozein lan egiteko modu baino emaitza hobeak ematen dituenak arlo guztietan.
LABURBILDUZ:
FORMAZIO SAIO IREKIA: TALDE ELKARRERAGILEAK eta GIDARI-DINAMIZATZAILEAREN FUNTZIOA
NOIZ: azaroaren 12, 18.00.
NON: HH/LHko eraikinean.
INFORMAZIO GEHIAGO: idazkaritza@elkarhezi.eus
