Ikas Komunitateen hezkuntza-ikuspegia marko bezala hartuta, ekainaren 26an 09:00-14:00 bitartean Ikaskuntza Dialogikoaz arituko da Ramon Flecha Oñatiko Elkar Heziko Areto Nagusian (Arantzazuko Ama kaleko 18), bere printzipio nagusiak banan-banan azalduko dituelarik. Saioa irekia izango da eta beraz interesa duen orok sarbidea edukiko du.
Ramon Flechak Europako Batasunaren Batzordeak sustatutako eta finantzatutako hezkuntza arloko zenbait ikerketa proiektu zuzendu ditu Europa mailan, haien artean denontzako hezkuntza arrakasta eta inklusioa ardatz dituen INCLUD-ED izenekoa.
Horrez gain, Euskal Herrian eta Estatuan, Ikas Komunitateen hezkuntza-proiektuaren sortzaile eta bultzatzaile nagusienetakoa dugu.
Bere hezkuntza-ikuspegia, besteak beste, ikerketetatik ateratako datuetan, pertsona guztien gaitasunetan eta J. Habermas filosofo eta soziologo alemaniar entzutetsuaren ekintza komunikatiboan zein Paulo Freire pedagogo gogoangarriaren hezkuntza utopia eraldatzaile eta askatzailean oinarritzen du.
Aukera ederra beraz, hezkuntzaz arduratuta eta eredu alternatibo eta arrakastatsuez jakinmina duten guztientzat.
RAMON FLECHA ELKAR HEZIn IZANGO DUGU OSTEGUN HONETAN.
2014ko eka. 23a, 18:13
Ramon Flecha, Ikas Komunitateen sustatzailea eta nazioarteko hezkuntza-ikerlari ezaguna, saio irekian, Ikaskuntza Dialogikoaz jardungo du hilaren 26an Oñatin, Elkar Hezi ikastetxean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak