Hartu tartetxo bat bidean gelditu direnak omentzeko

Erabiltzailearen aurpegia

1975eko irailaren 27an frankismoak bost borrokalari hil zituen.

Geroztik, egun hori hartu izan dugu aurretik eta geroztik hil dituzten borrokalariak omentzeko. Aurten ere, hilaren 27an, asteazkenean, Seberon elkartuko gara, 19:00etan. Manifestazioa egingo dugu eta ondoren ekitaldi xume bat Monterronen.

Hainbeste gauza egiteko ditugun garai hauetan, memoria ariketa bat egin eta biktima guztien errekonozimendua indartzeko murgildu gaitezen une bat gure historiaren hainbat gertaeratan. Guztia eman duten lagun horiek ez al dute merezi gure oroimenera ekartzea? Aurrera egin behar dugu, baina herri honen etorkizuna ezin da eraiki, tarteka, aurretik gertatutako guztia oroitu gabe. Inor ez da ezinbestekoa, baina guztiok gara beharrezkoak. Hurbil zaitez Sebero plazara 27an, gure aurreko borrokalariekin batera egingo dugu egun horretako bidea eta baita etorkizunekoa ere.

----------

Enrike Letona 

Arrasateko Sortu

Arrasate

GOIENA KLUBEKO BAZKIDETZA %30 MERKEAGO

Goiena Komunikazio Taldeko hedabideek lehentasunezko mezenasgo jarduera izendapena dute. Ondorioz, Goiena Klubeko bazkide baldin bazara zerga onurak ezarriko zaizkizu Goienari egin diozun ekarpenarengatik.

Goiena Klubeko bazkidetza kuota %30 merkatuko zaizu errenta aitorpena egiterakoan.

BAZKIDE EGITEKO, DEI EGIGUZU: 943 25 05 05 edo egin klik hemen.


Zerga onurak izateko datuak bete