Joan zen astean hil zen Andres Egaña Muruamendiaraz, 100 urte zituela: Bergaran bizi zen azken gudaria

Erabiltzailearen aurpegia Elena Lete 2019ko urr. 13a, 00:00

Omenaldi hunkigarria egin zion Bergarako Udalak 2017an. Bertan, gogora ekarri zen orain dela 83 urte, ezustean gerra piztean, 200 gazte bergararrek, gudari zein miliziano, pauso bat aurrera eman eta askatasunaren eta demokraziaren alde borrokatu behar izan zutela. Andres Egaña gazte haietako bat zen, Loyola batailoian.

Urte latzak izan ziren haiek. Gogorrak. Beraien gogoan gelditu zen orduan bizi izan zutena. Baita liburuetan jaso ere bizipen eta gertaera haien arrastoak, baina hotzak dira hitzak guztia azaltzerakoan: Andres Egaña kide zen Loyola batailoiko 63 bergararretatik, lautik bat frontean hil zuten, eta besteek denetik ezagutu zuten: hala-nolako epaiketak, heriotza zigorrak, urteetako kartzela-zigorrak, Frantziako Gurs kontzentrazio eremuan kartzelaratzeak, langile batailoietako urteak, ondasunen bahiketak eta hainbat eta hainbat gerra osteko bizipen.

Guztia, askatasunaren eta demokraziaren defentsagatik. Orduan esan zitzaien eta gaur ere diogu: egin zuten guztia ez zela ahaztu, ez genuela ahaztu eta ez dugula ahaztuko.

Horregatik, omenaldi egunean, pleno aretoa herritarrez gainezka zegoela esan genuen bezala, diogu gaur ere:

Agur eta ohore, Andres!

----------

Elena Lete

EAJ-PNVren Bergarako Udaleko bozeramailea

Bergara

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak