"Jobs eta garbigailua"

Erabiltzailearen aurpegia

Appleko Steve Jobs hil berriaren biografian kontatzen da nola etxeko garbigailua aukeratzeko, asteetan eztabaidatu zuten familian.

Garbigailu hark, Jobsek diseinuarengaitik ere miretsi nahi zuena, goi teknologiako tresnak baino askoz ilusio gehiago egin omen zion.

Nik ez daukat iritzi argirik Jobsen ekarpenen garrantziari buruz. Apple ordenagailu txiki bat eduki nuen, duela hogei urte, bigarren eskukoa, oso moñoñoa. Gehiago ez. Baina bai konpartitzen dut Jobsekin garbigaluak sortzen didan mirespena. Garbigailu automatikoa eta antisorgailuak, mugarri izan dira emakumeon askatasunean

Gurean ez genuen asteetan eztabaidatu garbigailua aukeratzeko. Aurrekoa hondatu, etxetik berrehun metrora zegoen dendara joan, eta hamar minututan berria erosi nuen. Saltzaileak irribarre egin zidan: ezagun da garbigalua hondatuta daukazula eta berri baten premian zaudela.

Garbigaluaren premia, eta garbigailua aukeratzeko denbora xahutzeko asmorik ez. Horra zergaitik nik hamar minutu eta Jobsek aste asko. Horregaitik ez daukat Jobsen inguruko iritzi garbirik: gure premiak eta lehentasunak zeharo desberdinak ziren.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.