Egungo testuinguru sozial, politiko zein ekonomikoa aintzat hartuta, feminismoa zein transfeminismoaren hedapen ikaragarria uka ezina eta nabaria da gure herrian. Gure feminismoa askotarikoa eta anitza da eta horren alde lanean jarraituko dugu.
Hortaz, parekidetasunetik, ohiko maternalismotik ihesiz, feminismoak bizitzeko modu anitzak aitortuz, feminismo komunitarioa bultzatzea eta aliantza feministak areagotzea da proiektu honen helburu nagusia.
Herriko Mugimendu Feministetara gonbita luzatuko dugu eta, mugaz gaindi, Iparraldeko Mugimendu Feministak ezagutzeaz bat, zubiak eta sare berriak eraikiko ditugu. Era berean, gure arteko harremanak sendotzeko eta erlazio berri hauek errazteko, modu aske eta ezberdinen bitartez, norbere gorputzen gaineko auto-ezagutza, erabakiak hartzeko gaitasuna eta kontrola berreskuratzeko tailer ezberdinak egingo ditugu.
Pixkanaka-pixkanaka guzti honi forma ematen joango gara eta feminismo anitzetan barna murgiltzeko irrikan gaude. Proiektu honek gorputza behar du oraindik eta horretarako Arrasateko neska* gazteen nahi eta beharrei entzun behar diegu.
Sortuko dugun zubi eta elkarlan honegatik oso eskertuta, hurrengora arte agurtzen gara.
