25 urte bete baino lehen nire bizitza osoa konponduta eta eraikita izatea exijitzen diot nire buruari. Kontuan izan hurrengo hilabetean dela hori; Amanciok, agian, posible izango zuen hilabetetik hilabetera bizitza berri bat eraikitzea, baina nik ez. Eta hori beste behin onartzean, bizitza helduko ustezko arrakastatik urrun nagoela sentitzen dut. Etxe bat izateko aurrezten hastea komeni dela pentsatzen dut, oraingo perkala ahaztuta, edota non finkatuko naizen jakin gabe.
Nire gurasoen laneratzeari erreparatzen diot, baita nire lagunenari, eta erantzunik jaso ez duten nire dozenaka curriculumez gogoratzen naiz. Konparazio nazkagarriz eta toxikoz betetzen zait burua, eta lortu edo egin ditudan gauza guztiak mespretxuz begiratzen ditut; edo, zuzenean, ez ditut ikusten.
Non dago idatzita adin bakoitzean lortu beharreko gauzen zerrenda? Nork erabakitzen du hori? Noiz onartu nuen nik?