Hasiera txarra Arrasateko lehen bilkuran

Erabiltzailearen aurpegia
Korporazio berriaren lehen bilkura izan genuen pasa den martitzenean eta PNV-PSOE Gobernuak garbi utzi gura izan zuen “hemen guk agintzen dugu” zortzi urratsetan:

Korporazio berriaren lehen bilkura izan genuen pasa den martitzenean eta PNV-PSOE Gobernuak garbi utzi gura izan zuen “hemen guk agintzen dugu” zortzi urratsetan: 

  1. - Bilera data komeni zaizunean jarri, oposizioko talde nagusiko bozeramaileak egun horretan ezingo duela egon jakinarazi eta aintzat hartzeko eskatu dizun arren. 
  2. - Zinegotzi liberatuen soldatak %20 igo kolpe batean, hilean 500€ gehiago bakoitzarentzat. 
  3. - Alderdi guztiak ordezkatuta dauden Batzorde iraunkorren maiztasuna murriztu.
  4. - Alderdien asignazioak jaitsi oposizioa ekonomikoki itotzeko.
  5. - Zinegotzi ez liberatuen dietak mugatu. 
  6. - Korporazioa ordezkatuta dagoen organo kolegiatu eta erakundeetarako izendapen guztiak akaparatu.
  7. - Oposizioko bozeramaileei errespetu falta erakutsi eta hitz egiten ez utzi, horretarako mahaia kolpatzen hasi behar baduzu ere.  
  8. - Oposizioko kritikei kontu pertsonalekin kontraeraso, zure ikuspegia defendatzeko argudiorik ez duzula jakinik.

 

PD:  Ironiak ironia, jakin bezate PNV-PSOEk, zein gugan sinetsi zuten 4103 arrasatearrek, bidea harri-koskorrez bete arren, gogor egingo dugula lan, Arrasatek Udalgintza justu, euskaltzale, feminista, ekologista eta humanoagoa izan dezan.  

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.