Zezenari adarretatik heldu

Erabiltzailearen aurpegia

Arizmendiko zuzendariak gaur egun ikastolen beharra justifikatzeko eman dituen hiru zutabeak gogoan ditut: kalitatezko hezkuntza euskalduna, seme-alabak maite dituzun horren neurrikoa eta autogestionatua.

Ahaztu zaio aitortzea "soberanotzat" jotzen duen hori herritar guztien diru eta eraikinei esker garatzen dela. Eta ez daukat arazorik horrekin, hezkuntza sistema heterogeneo baten sinesten dudalako, non ikastolek, baso eskolek, kristau eskolek edo herri eskolek lekua izango duten. Herritik eta herriarentzat, tokian tokikoak. Hori bai, finantziazioa eta kontrola publikoak dituen sarea, ikasle eta irakasle guztientzat sarbide baldintza berdinak bermatuz. Eta garrantzitsuena, inor atzean utziko ez duena.

Izan ere, asko kezkatzen nau egungo sistemak ahalbidetzen duen segregazioak, are gehiago Jaurlaritzak honen aurkako herri ekimen legegileari ezetz esan berri dionean eta gaur egungo argazkia betikotzeko legea onartzear dagoenean. Horregatik, hainbat arduradun ekonomia sozialaz eta arazo sozialez hizketan dabiltzanean, ez dakit sozioen ekonomiaz edo zertaz ari diren.

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.