Bizikletentzako gunea

Erabiltzailearen aurpegia

Azken asteburu hauetan Enduro txapelketa eta Mondran Bikeren eskutik txirrindularitza izan dugu protagonista Arrasaten. Jakina da gure bailara mendi bizikletaren erreferente bihurtu dela Euskal Herrian. Igandeko martxan, Ziorlako batek hau bota zidan: "Non dago gure mangera? Kartel handi bat jartzea ahaztu zaigu!".

Lotsaz gogoratu genuen: herriko bizikleta elkarte guztiek, alderdi politiko batek eta Ziorlako alkatetzak udaletxean bizikletak garbitzeko gunea aspaldi eta askotan eskatu dugula. Auzolanean egitea ere eskaini dela… alferrik.

Kiroldegiaren 40. urteurrena ospatzeko ikuskizunetan 4.000 euro gastatzen dituen herri honetan, momentuz ez dago mangerarentzat lekurik. Baliteke aurrekontu parte hartzaileen bitartez gauzatzea, show-ak ikaragarrizko pisua duelako legealdi honetan.

Milatik gora dira kirolerako eta desplazamenduetarako bizikleta erabiltzen duten herritarrak, nahikoa arrazoi kiroldegitik kanpo ere kirol azpiegiturak beharrezkoak direla bistaratzeko. Baina mangera ziztrina, kirol kudeaketaren eta ikuspegiaren adierazle penagarria bihurtu zaigu.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira.

TELEGRAM: Batu zaitez @GoienaAlbisteak kanalera.