Aurrenekoan, maiatzaren 10ean, Oiartzungo BTT sari nagusian, Nile Agirretxe izan zen gure ordezkari bakarra, eta ohi bezala, fin-fin aritu zen aretxabaletarra. Lasterketan asko gozatu zuen Nilek eta azkenean podiumean amaitu zuen.
Biharamunean berriz, taldekako erlojupekoa izan zuten Astigarragan. Ezohiko proba izan arren, ondo baino hobeto moldatu ziren taldeko txirrindulariak. Infantil mailan talde mistoa osatu zuten Nile Agirretxek, Markel Diazek, Oxel Kortabarriak eta Ainhoa Plazak. Alebin mailan berriz Zarautzeko, Elgoibarreko eta Aloña Mendiko beste lagun batzuekin batera osatu zuten taldea Maddi Agirretxek eta Aratz Aranak. Zalantza barik, esperientzia aberasgarria guztientzat.
Hurrengo hitzordua, maiatzaren 24an, Azkoitiko eskolarteko lasterketan izango da.
