Maiatzaren 1ean, Andoaingo Santakrutz jaien baitan alebin eta infantil mailako nesken txirrindulari lasterketa izan zen. Bi lasterketak lehiatuak izan ziren eta horrela, infantiletan gure bi ordezkariek podiumean amaitzea lortu zuten, Nile Agirretxek lehen postuan eta Ainhoa Plazak berriz bigarrenean.
Maiatzaren 4an berriz, egutegian gorriz markatuta dagoen alebin eta infantil mailako Irungo Gipuzkoako txapelketa izan zen. Honetan ere gure txirrindulariek ez zuten hutsik egin. Alebinetan Maddi Agirretxek, Aratz Aranak eta Amets Esnalek hartu zuten parte. Infantiletan berriz Nile Agirretxe, Markel Diaz, Oxel Kortabarria eta Ainhoa Plaza aritu ziren.
Gipuzkoa osoko txirrindulariak bertan egonik, emaitza onak lortzea zaila izan arren, guztiek paper ona egin zuten, eta taldeko hiru txirrindularik podiumean amaitzea lortu zuten. Infantil mailako mutilen kategorian, Markel Diaz txapeldunorde izan zen. Nesken kategorian berriz, Nile Agirretxek hirugarren postua eta Ainhoa Plazak lehen postua eta honenbestez Gipuzkoako txapeldun titulua lortu zuen.
Zorionak guztioi!
