Markel Diaz, infantil mailako Gipuzkoako MTB txapeldun!

Dorletako Ama taldeko txirrindulariek Oiartzungo MTB lasterketan emaitza bikainak lortu dituzte.

Taldeko neska-mutikoek errepide zein MTB-ko lasterketak tartekatzen dituzte. Aurreko hiru asteetan, Onatin, Bergaran eta Mendaron errepideko lasterketak izan ostean, oraingoan, martxoaren 29an, zapatuan, Oiartzunen izan zuten hitzordua, bertan ospatu zen MTB lasterketan. Infantilen kasuan, Gipuzkoako txapelketa izan zen.

Azken aldian izandako euriteen ondorioz, Oiartzungo Txara parkearen inguruak lokaztuta aurkitu zituzten txirrindulari guztiek. Hori baina, ez zen oztopo izan arratsalde bikaina pasatzeko.

Alebin mailan Maddi Agirretxe, Aratz Arana eta Amets Esnal izan ziren. Infantil mailan berriz Nile Agirretxe, Markel Diaz eta Oxel Kortabarria. Infantilen kasuan Gipuzkoako txapelketa izanik, benjaminek penaz baina oraingoan ezin izan zuten parte hartu.

Lasterketa guztiak lehiatuak izan ziren eta zailtasunak zailtasun, Markel Diazek eta Aratz Aranak lehen postua eta Nile Agirretxek bigarren postua lortu zuten. Hiru podium eta ondo pasa izanaren sentsazioarekin etorri ziren taldeko txirrindulariak bueltan. Zorionak guztiei!

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak