Benjamin mailan, Maddi Agirretxek parte hartu du. Lasterketa polita egin ondoren tropel nagusiarekin batera helmugaratu da.
Alebin mailan Nile Agirretxe lehiatu da. OTXE taldeko beste txirrindulari batekin lasterketa guztian ihesi ibili ondoren, esprintean nagusitzea lortu duelarik.
Infantil mailan Katixa Navarrok, Izaro Ezpeletak eta Ainhoa Plazak parte hartu dute zirkuituari hamar bira emanez. Dorletako txirrindulariak ez dute lasterketa apurtzea lortu nahiz eta horretarako saiakera ugari egin. Horrela, lasterketa esprintean erabaki da eta Katixa Navarrok bigarren postuan helmugaratzea lortu du.
Zorionak txirrindulari guztiei, datorren igandean Irunen ospatuko den Gipuzkoako txapelketan izango dute hitzordua.
