Benjamin mailan Maddi Agirretxe, Oinatz Bailez eta Aratz Arana aritu ziren. Hiru txirrindulariak bikain lehiatu ziren aurreko postuetan helmugaratuz.
Alebin mailan Ainhoa Plazak, Nile Agirretxek, Markel Diazek, Itoitz Olaziregik, Oxel Kortabarriak eta Peru Herrastik parte hartu zuten. Nesken kategorian Ainhoa lehen sailkatua izateaz gain sailkapen orokorreko hirugarren sailkatua ere izan zen. Nile berriz nesken kategorian bigarren sailkatu zen.
Mutilen kategorian, lasterketa guztian lasterketa buruan ibili ondoren, Markel izan zen garaile esprint luze baten ondoren.
Azkenik, infantil mailan zazpi txirrindularik parte hartu zuten: Katixa Navarrok, Izaro Ezpeletak, Maialen Sanchok, Lier Torresek, Aratz Larrañagak, Eñaut Garaik eta Eñaut Olaziregik. Nesken kategorian Dorletako hiru txirrindulariak izan ziren azkarrenak, Izaro helmugaratu zen lehen postuan, Katixa bigarrenean eta Maialen hirugarrenean.
Mutilen kategorian Dorletako txirrindulariak oso ongi aritu ziren tropel buruan eta amaierako esprinta lehiatu zuten arren ezin izan zuten podiumera igo.
Zorionak Dorletako Ama TXEko txirrindulari guztiei.
