Mutilen infantil mailan, Dorletako hiru txirrindularik eta Bergarako Lokatza taldeko beste bi txirrindularik osatutako taldeak lan txukuna egin ondoren, zazpigarren sailkatzea lortu zuen.
Nesken infantilen erlojupekoan berriz, Dorletako hiru txirrindularik eta Aloña Mendiko beste txirrindulari batek osatutako laukoteak hirugarren sailkatzea lortu zuen, irabazleengandik 30 segundotara.
Mutilen alebin mailan, Dorletako lau txirrindularik osatutako taldeak erlojupeko bikaina egin zuen bigarren postuan sailkatuz, irabazleengandik 30 ehunenekotara. Dorletako eta Lokatzako alebin neskek osaturiko taldea ere ez zen gutxiago izan, hauek ere bigarren postuan sailkatzea lortu zutelarik.
Dorletako Ama TXE taldetik txirrindulari guztiak zoriondu nahi dituzte egindako lanagatik; datorren astean Azkoitian izango dute hitzordua.
