Gaur egun, egonkortutako proiektua da, elkarteak indartuz eta gizartearengan duten eragina ikusaraziz, baita instituzioekin elkarlanean arituz ere. Elkarlan horri esker, 2023an, Prest sortu zen, udalei zuzendutako proposamen bat, tokiko elkarteen eta instituzioen arteko elkarlana sustatzeko. Mezua garbia da. Elkarte barik, ez dago bizitza komunitariorik. Mezu hori indartzeko, Elkartiri ikus-entzunezkoa sortu dugu, dagoeneko ikusgai dagoena Aldundiaren webgunean. Ikus-entzunezkoak elkarterik gabeko udalerriak irudikatzen ditu: udalerri hutsak, sare sozialik gabekoak, jarduerarik gabekoak eta elkarlaguntzarik gabekoak. Funtsean, bizitzarik gabekoak.
Elkartiri ohartarazpen bat da. Izan ere, elkarteak desagertzen ari dira, eta hori da IMMEren kasua ere; desagertzeko arriskuan baitago. Hala izanik, komunitate bat galduko genuke, herritarren sare bat. Beraz, instituzio guztiei eta herritarrei dei egiten diegu komunitatea eta elkarteak zain ditzaten.