Ospakizun eder hori une esanguratsua da ramadan hilabete sakratuan, eta topaketarako espazio bilakatu zen gurean, etorri zirenen poztasunaren eta batasunaren lekuko. Lerro hauen bitartez, arrasatearrei eskerrik beroenak eman gura dizkiegu, parte hartzeagatik, babesagatik eta elkarbizitzarekiko erakutsitako konpromisoagatik.
Egun hartan, kolorez, aromaz eta irribarrez jantzi zen plaza, eta giro bero eta abegitsua sortu zen. Janari-dastatzeek eta musikak elkartu egin gintuzten, aniztasuna eta elkarbizitza baketsua ospatzeko.
Ekintza horrekin, integrazioarekiko eta elkarrekiko errespetuarekiko konpromisoa berretsi dugu. Espero dugu esperientzia hori baliagarri izango dela etorkizunera begira, Arrasatek duen aberastasuna azaleratzeko. Elkarrizketaren eta lankidetzaren bidez etorkizun inklusiboago eta baketsuagoa eraiki dezakegulako, Arrasate batuago baten alde.
