Amerika Elkarteko ordezkariok egun hori ospatzeko dei egiten diegu herritar guztiei. Izan ere, ez da edozein egun, kultura-aniztasuna apaingarri bat ez dela gogorarazteko eguna baizik. Hori baita gizarte justu eta humano baten oinarria. Arrazismoaren, esklusioaren eta etxebizitza eskubidea bezalako eskubideen galeraren aurrean, guk benetako berdintasunaren aldeko apustua egiten dugu. Aurten, Arrasate Herri Eskolako eta Arizmendi Ikastolako ikasleek elkarrekin idatziko dituzte aniztasunaren aldeko ipuinak eta poemak, eraldaketa haurtzarotik hasten baita. Ezin dugu onartu aurreiritziek banatu gaitzaten. Aniztasuna indarra da; elkarrizketa da; etorkizuna da.
Orain, inoiz baino gehiago, defenda dezagun mugarik gabeko mundu bat, zeinetan justizia soziala ez den amets bat, guztion artean lortutako eskubide bat baizik. Aniztasuna bizi egiten da, defendatu egiten da eta, noski, ospatu egiten da!
