Valentziako erresuma Aragoiko Jaume I.aren konkista feudalarekin jaio zen (1208-1276). Lurraldea erresuma independente berri bihurtu zen, bere legez hornituz, Aragoiko koroaren barruan –Valentziako erresuma, Aragoiko erresuma, Bartzelonako konderria, etab.–. Katalan hizkuntza ezarri zuten bertara emigratu zuten katalanek, eta, horregatik, valentziarra izan da Valentziako hizkuntza nagusia. Felipe V.a Borboikoak eta diktadura frankistak valentziarren gaitasun politiko, linguistiko eta kulturala erreprimitu zuten etengabe. Hala ere, gaur egun, Valentziar Herriak erabateko subiranotasuna lortzeko borrokan dirau, herri gisa iraun nahi badugu geratzen zaigun bide bakarra delako.
Gure herria ezagutzera doan pertsona oro bertako historiaz galdetzera, bertako kultura ezagutzera eta bertako hizkuntza erabiltzen saiatzera gonbidatuko nuke. Gora herri askeak!