Eskerrik asko Bergara!

Zapatu honetan bizitakoa nekez ahaztuko dugu antolatzaileok, ederra izan zen benetan! Eta egun hau edertu zenuten guztioi eskerrak bidali nahi dizkizuegu ohar honen bitartez. Eskerrik asko bertan egon zineten bergarar guztiei! Buruhaundi, trikitilari, dantzari, bertsolari, txontxongilo, kantari, musikari, bolondres, balkoia eskaini diguzuenei....eta nola ez, baita balkoirik balkoi mugitu zineten guztioi ere. Geroz eta gehiago gara bide berdin honetara batu garenak, eta poztekoa da hori.

Hurrengo zita beraz, ekainaren 21an Donostian izango da, eta bitartean, ostegunero Irala kalean aurkituko gaituzue zuen bakarkako ekarpenak jaso zein kamisetak saltzen. Segi gaitzazue facebooken (GureEskuDago Bergara) eta twitterren! Laster arte, eta eskerrik asko!