ARNALDO OTEGI OLASO DORREAN

Bergarako EH Bilduren dinamikan maiatzeko 26ko udal hauteskundeetara indar berezia bideratzen ari bagara ere ezin ahaztu Apirilaren 28an ditugun hauteskundeak.

Kontestu horretan, datorren asteazkenean, hilaren 24an, Telesforo Monzon, Jose Luis Elkoro eta Maite Aristegi Madriden ordezkari izan ditugun bergararrak modu batez edo bestez presente egongo dira Arnaldo Otegi buru izango duen ekitaldian.

Telesforo Monzonen etxean, Olaso Dorrean izango da ekitaldia. Maite Aristegik gidatuko du eta Arnaldo Otegiren hitzaldia erdigunean izango du solasaldiak, Jose Luis Elkororen hitzartzearekin eta Telesforo Monzonen etxea lekuko dugula.

Asteazkenean, hilaren 24an 19:00etan Olaso Dorrean. Animatu eta animatu ingurukoak ere.