Bidelagun horrek gaur egun espezie bezala Lur planetaren gainean daukagun hegemonia lortzera ekarri gaitu. Teknologiaz ari naiz: garunak erabiliz ingurua aztertu, ulertu eta beharretara moldatzeko daukagun gaitasunaz. Zure jaiotzaren zirkunstantzien arabera, teknologia horietarako irisgarritasun handiagoa edo txikiagoa izan arren, orokorrean gizakion ongizatean eta bizi-itxaropenean eragin positibo nabarmena izan du garapen teknologikoak.
Nire iritziz, ordea, gure beharrak aspaldi aseak dira eta gaur egungo garapen asko kapritxozkoak dira. Noski, bizi garen eredu kapitalistak beti bultzatzen du produktu berri dirdiratsuak sortzea, kontsumitu ditzagun. Baina beste gizarte eredu batzuk ere ez dira labur geratzen lasterketa horretan.
2025. urtean, planetan bizirauteko identifikatuta dauden bederatzi mugetatik zazpi pasatu genituen. Ez al genuke planto egin behar? Fisikaren legeei entzungor eginez ez goaz bide onetik, eta argi izan teknologia gehiago garatzeak ez duela planeta salbatuko.